ÇİN YAPONİYA BAŞ NAZİRİNİN YASUKİNİ MƏBƏDİNƏ GETMƏSİNƏ ETİRAZ EDİR
Xatırladaq ki, bu məbəddə saxlanan siyahılarda İkinci Dünya müharibəsində həlak olan bütün yapon döyüşçülərlə yanaşı, Beynəlxalq tribunalın hökmü ilə edam edilmiş əsas cinayətkarların da adları var. İmperator ordusunun təcavüzündən zərər çəkmiş çinlilər və koreyalılar bu məbədi Yaponiya militarizminin rəmzi sayırlar.
Çin xarici işlər nazirinin sözlərinə görə, bu, nasizmin və Hitlerin abidəsini ziyarət etməyə bərabərdir. Li Çjaosin Baş naziri Yaponiya militarizmindən zərər çəkmiş Asiya xalqlarının hisslərini təhqir etməməyə çağırmışdır.
Qeyd etmək lazımdır ki, Koidzuminin bu məbədi hər il ziyarət etməsi qonşu dövlətlərin kəskin etirazına səbəb olur. Onun builki ziyarətləri isə Çinin əsas şəhərlərində Yaponiya əleyhinə kütləvi nümayişlərə səbəb olmuşdur.
Bölmənin digər xəbərləri
