Çində koronavirusa aid kitab nəşr olunub
Pekin, 27 fevral, AZƏRTAC
İndiyədək Çində 2718, xaricdə isə 53 nəfərin ölümünə səbəbə olan yeni tip koronavirusa aid kitab nəşr olunub.
AZƏRTAC xəbər verir ki, Çin Beynəlxalq Nəşriyyatı və Xalq Nəşriyyat Evinin birgə layihəsi olan kitab Çinin koronavirus ilə mübarizəsindən, ölkənin virusun yayılmasının qarşısını almağa yönələn səylərindən və qabaqlayıcı tədbirlərindən bəhs edir. Nəşrdə koronavirus epidemiyası ilə bağlı ən vacib məqamlara, hadisələrə, habelə fərdlərin mübarizəsinə və Çinin bu istiqamətdə beynəlxalq əməkdaşlığına aid hissələr var.
Hələlik yalnız Çin dilində çap olunan kitabın növbəti mərhələdə ingilis, fransız, ispan, rus və ərəb dillərində də nəşri planlaşdırılıb.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
