Coğrafiya İnstitutunun əməkdaşlarının məqalələri beynəlxalq forumun toplusuna daxil edilib
Bakı, 12 oktyabr, AZƏRTAC
AMEA akademik Həsən Əliyev adına Coğrafiya İnstitutunun əməkdaşlarının elmi məqalələri Rusiya Federasiyasının Voronej şəhərində keçirilmiş “Demoqrafiya və qlobal çağırışlar” adlı beynəlxalq demoqrafik forumun toplusuna daxil edilib.
Bu barədə AZƏRTAC-a institutdan məlumat verilib.
Topluda Coğrafiya İnstitutunun baş direktoru coğrafiya elmləri doktoru Zakir Eminovun “Azərbaycan Respublikası regionlarında əhali məskunlaşmasının tənzimlənməsi problemləri”, coğrafiya üzrə fəlsəfə doktoru Etibar Bədəlovun “Azərbaycan Respublikasının şəhərləşmiş ərazilərində demoqrafik proseslərin məkan fərqləndirilməsi”, kiçik elmi işçi Bəyimxanım Hüseynovanın ingilis dilində “Azərbaycanın şimal bölgələrində əhalinin yüksəklik zonalarına görə paylanmasına təbii və sosial-iqtisadi amillərin təsiri (Şəki-Zaqatala iqtisadi-coğrafi rayonunun timsalında)”, elmi işçilər - Emil Cəbrayılovun ingilis dilində “Şahdağ Milli Parkının ətraf ərazilərində əhalinin paylanması” və Turanə Hüseynovanın “Azərbaycan Respublikasında demoqrafik göstəricilərin Böyük Qafqaz təbii regionu timsalında əhalinin həyat keyfiyyətinə təsiri”, doktorant Zeynəb Mirzəyevanın isə “Bakının demoqrafik inkişafının xüsusiyyətləri və onların məskunlaşmaya təsiri” adlı məqalələri yer alıb.
Bölmənin digər xəbərləri
