Coğrafiyanın müasir problemlərinə dair beynəlxalq konfrans keçirilir
Bakı, 13 noyabr, AZƏRTAC
Noyabrın 13-də Elm və Təhsil Nazirliyinin akademik Həsən Əliyev adına Coğrafiya İnstitutunda “Coğrafiyanın müasir problemləri: elm və təhsilin inteqrasiyası” mövzusunda IV beynəlxalq elmi-praktik konfrans işə başlayıb.
AZƏRTAC xəbər verir ki, konfrans Coğrafiya İnstitutunun 80 illiyinə həsr olunur.
AMEA-nın Yer Elmləri Bölməsinin akademik-katibi, akademik Fəxrəddin Qədirov konfransı açaraq iştirakçıları gündəlikdəki məsələlərlə tanış edib.
Noyabrın 14-dək davam edəcək konfransda iqlim və su ehtiyatlarının qiymətləndirilməsi, istifadəsi və qorunması problemləri, torpaqlardan səmərəli istifadə, torpaq-bitki örtüyünün mühafizəsi, landşaftlardan istifadənin müasir vəziyyəti, işğaldan azad olunmuş ərazilərdə sosial-iqtisadi problemlərə baxış, regionların sosial-iqtisadi inkişafı, yaşıl enerji potensialı və perspektiv istiqamətləri, demoqrafik inkişafın regional xüsusiyyətləri, şəhər və kənd məskunlaşmasının perspektivləri, davamlı inkişafın təmin olunmasında turizm və rekreasiya potensialının qiymətləndirilməsi, regionların inkişafının ali və orta məktəblərdə tədrisinin müasir problemləri və digər mövzularda məruzələr dinləniləcək.
Bölmənin digər xəbərləri
