CORC BUŞ JURNALİSTDƏN ÜZR İSTƏMİŞDİR

20.06.2006 [17:48]
Çap et
A⁺ A^-

AZƏRTAC xəbər verir ki, “Boston Glob” qəzetinin yazdığına görə, Corc Buş Ağ evdə mətbuat konfrasında zarafat etdiyi üçün “Los Anceles Tayms” qəzeti jurnalistindən üzr istəmişdir. Jurnalistlər qarşısına çıxan Buş birinin tünd eynəkdə olduğunu görmüşdür. Prezident ondan soruşmuşdur: “Siz elə beləcə, “kölgədən” sual vermək istəyirsiniz?” Sonra üzünü telekameralara tutub demişdir: “Tamaşaçılar üçün məlumat verirəm ki, burada Günəş yoxdur.”

Az sonra Buşun köməkçiləri öyrənmişlər ki, “Los Anceles Tayms”ın nümayəndəsi Piter Volsten görmə qabiliyyətinin pozulmasından əziyyət çəkdiyi üçün hətta ən zəif günəş şuası belə ona ağrı verir. Ona görə də o, konfrasa eynəkdə gəlmişdir. Prezident dərhal jurnalistə zəng edərək üzr istəmişdir. Buş bildirmişdir ki, mətbuat nümayəndələri ilə onlara ancaq rəğbət bəslədiyinə görə zarafat etmişdir və bu zarafatın kiminsə qəlbinə toxunmasını istəməzdi.

CORC BUŞ JURNALİSTDƏN ÜZR İSTƏMİŞDİR

MÜƏLLİFLƏ ƏLAQƏ

Bölmənin digər xəbərləri