COVID pandemiyasından sonra Gürcüstanda mənfi demoqrafik balans yaranıb
Tbilisi, 10 fevral, AZƏRTAC
Dünyanın bir çox ölkəsində olduğu kimi, Gürcüstanda da demoqrafik vəziyyət ürəkaçan deyil, əhali azalır. Xüsusilə COVID pandemiyasından sonra ölkədə mənfi demoqrafik balans yaranıb.
AZƏRTAC xəbər verir ki, bu barədə Gürcüstan Parlamentinin Səhiyyə və Sosial Məsələlər Komitəsinin bu gün keçirilən iclasında müzakirə aparılıb.
Komitənin sədri Zaza Lominadze demoqrafiya baxımından ölkənin üzləşdiyi çətinliklərdən danışıb. O bildirib ki, məsələni araşdırmaq və müvafiq tövsiyələr hazırlamaq üçün işçi qrup yaradılacaq. İşçi qrupuna parlament üzvləri ilə yanaşı, hökumət və qeyri-hökumət təşkilatlarının nümayəndələri də təmsil olunacaqlar.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
