Cüdo üzrə Bolqarıstan yığmasının Bakıda keçiriləcək “Böyük dəbilqə” turniri üçün heyəti açıqlanıb
Bakı, 4 aprel, AZƏRTAC
Cüdo üzrə Bolqarıstan yığmasının mayın 10-12-də Bakıda keçiriləcək “Böyük dəbilqə” turniri üçün heyəti açıqlanıb.
AZƏRTAC xəbər verir ki, yarışda Bolqarıstanı kişilərin yarışında 4 çəki dərəcəsində 5 idmançı, qadınların mübarizəsində isə bir idmançı təmsil edəcək. Belə ki, Yanislav Gercev, Valentin Alipiev (60 kq), Bozhidar Temelkov (66 kq), İvayno İvalov (81 kq), Daniel Diçev (100 kq) və İvelina İlieva (57 kq) Bakı tatamisində medallar uğrunda mübarizə aparacaqlar.
Qeyd edək ki, indiyədək 34 ölkə (260 cüdoçu) Bakı turnirinə qatılacağını təsdiqləyib.
Bölmənin digər xəbərləri
