Cüdoçu Aişə Qurbanlı: Məğlub olmağıma səbəb məşqçinin tapşırığını yerinə yetirə bilməməyimdir
Bakı, 20 sentyabr, AZƏRTAC
Səkkizdəbir final mərhələsindəki rəqibim argentinalı cüdoçu, Olimpiya mükafatçısı Paula Pareto dünyada tanınmış idmançıdır. Mən adi rəqibə uduzmamışam. Məğlub olmağıma səbəb məşqçinin tapşırığını yerinə yetirə bilməməyimdir.
Bu sözləri Bakıda Milli Gimnastika Arenasında keçirilən cüdo üzrə dünya çempionatında qadınlar arasında 48 kiloqram çəki dərəcəsində mübarizə aparan Aişə Qurbanlı AZƏRTAC-a müsahibəsində deyib .
Xatırladaq ki, təmsilçimiz 1/32 final mərhələsində niderlandlı Amber Gersjesə, onaltıdabir final mərhələsində isə Avstraliya cüdoçusu Karalina Hainiyə qalib gəlib. A.Qurbanlı 1/8 finalda argentinalı idmançı Paula Paretoya məğlub olaraq dünya çempionatında mübarizəni dayandırıb.
Bölmənin digər xəbərləri
