AZƏRTAC-ın xarici informasiya agentliklərindən alığı xəbərə görə, D vitamininin proktoloji xərçəngdən qoruduğu barədə çoxlu fakt aşkara çıxmışdır. Vitamini uzun müddət öyrənən qrup hazırda belə qənaətə gəlmişdir ki, bu, döş xərçəngi, yumurtalıqlar və yoğun bağırsağın profilaktikası üçün xüsusilə vacibir. Tədqiqatçılar öz təhlillərində iddia edirlər ki, gün ərzində 1000 vahid D vitamininin qəbulu xərçəngin müxtəlif növlərinə yoluxma riskini xeyli azaldır. Tədqiqatçılar həkimləri xəstələrə daha çox D vitamini təyin etməyə çağırır və bunu hər il milyonlarla adamın ölümünə səbəb olan xərçəngin qarşısının alınmasında ucuz vasitə sayırlar. D vitamini almağın ən sadə yolu Günəş vannasıdır, çünki ultrabənövşəyi şüalar vitaminin orqanizmdə təbii sintezinə kömək edir. Lakin tədqiqatçılar öz təhlillərində bu üsuldan yan keçir və diqqəti həmin vitaminin qida və vitamin kompleksləri ilə qəbuluna yönəldirlər. Belə ki, 1-50 yaşlı adamlara gündə 50-500 vahid, 51-70 yaşlı adamlara 400 vahid, yaşı 70-dən yuxarı olanlara isə 600 vahid D vitamini qəbul etmək tövsiyə olunur.
D vitamininin bir dozasının (1000 vahid) dəyəri cəmi 5 sentdir. Kaliforniya Universitetinin professoru Ketrik Qarland D vitamininin xərçəngə təsirini 1980-ci ildən öyrənir. Onun sözlərinə görə, bu vitaminin çatışmazlığı hər il xərçəngdən minlərlə erkən ölümə səbəb olur.
D vitamininin, yaxud Günəş vannalarının prostat vəzi xərçənginə təsir dərəcəsini müəyyənləşdirən 26 tədqiqat qarışıq nəticələr aşkar etmişdir. Tədqiqatların 13-ü müsbət nəticələnmiş, 11-i isə nəticəsiz qalmışdır.
Multivitaminlərin əksəriyyətinin tərkibində D vitamininin miqdarı 400 vahiddir və ümid var ki, istehsalçılar onun miqdarını 1000 vahidə çatdıracaqlar.
