Dağıstanda 120 ev hələ də suyun altında qalır
Moskva, 17 aprel, AZƏRTAC
Dağıstanda güclü yağışlar nəticəsində 120 yaşayış binası, 129 bağ sahəsi və altı yol hissəsi su altında qalıb.
AZƏRTAC xəbər verir ki, bu barədə Rusiya Fövqəladə Hallar Nazirliyi (FHN) məlumat verib.
Nazirlik qeyd edib: “Dağıstanda dörd bələdiyyədə və dörd yaşayış məntəqəsində 120 yaşayış binası, 129 bağ sahəsi və altı yol hissəsi su altında qalıb”.
Rusiya FHN-in məlumatına görə, bölgədə daşqın vəziyyəti tədricən sabitləşir, lakin bəzi rayonlarda sürüşmələr güclənib.
Qeyd olunur ki, Karabudaxkent rayonunda Qubdenözen çayının yaxınlığında yerləşən Qurbuki və Karabudaxkent kəndlərində evlərin təməlinin aşınması riski qalır. Bununla bağlı profilaktik tədbirlər həyata keçirilir, evlərin sakinləri təxliyə edilib və qohumlarının yanına yerləşdirilib. Həmçinin sahillərin möhkəmləndirilməsi və çay məcrasının dəyişdirilməsi işləri aparılır.
Bölmənin digər xəbərləri
