Dağıstanda daşqınla əlaqədar hepatit A-ya qarşı peyvəndləmə aparılır
Bakı, 6 aprel, AZƏRTAC
Dağıstanda həkimlər daşqınla əlaqədar gücləndirilmiş rejimdə çalışırlar, əhali hepatit A-ya qarşı peyvənd olunur.
AZƏRTAC TASS agentliyinə istinadla xəbər verir ki, Rusiyanın Səhiyyə Nazirliyinin məlumatına görə, respublikada baş verən daşqın nəticəsində iki feldşer-mama məntəqəsi zədələnib, stasionar tibb müəssisələri isə adi rejimdə fəaliyyət göstərir.
“Dağıstanda həkimlər daşqından zərər çəkmiş rayonların əhalisinin hepatit A-ya qarşı peyvəndlənməsini həyata keçirirlər. Tibbi xidmətlər gücləndirilmiş rejimdə işləyir”, – deyə Rusiyanın səhiyyə naziri Aleksey Kuznetsov bildirib.
Nazirin sözlərinə görə, ehtiyatda olan çarpayı sayı əhaliyə planlı və təcili tibbi yardım göstərilməsi üçün kifayət edir.
Bölmənin digər xəbərləri
