Dahi Bülbül və görkəmli bəstəkar Fikrət Əmirovun yubileyi qeyd olunub
Bakı, 26 dekabr, AZƏRTAC
Bülbülün Memorial Muzeyində Şövkət Ələkbərova adına 20 nömrəli onbirillik musiqi məktəbinin birgə təşkilatçılığı ilə Azərbaycan professional vokal sənətinin banisi Bülbülün 125 və görkəmli bəstəkar, simfonik muğam janrının banisi Fikrət Əmirovun 100 illiyi konsert proqramı ilə qeyd olunub.
AZƏRTAC xəbər verir ki, muzeyin direktoru Fərqanə Cabbarova Bülbül və Fikrət Əmirovun Azərbaycan musiqi tarixində tutduqları əvəzolunmaz yeri, həmçinin onlar arasında olan yaradıcılıq və səmimi dostluq münasibətlərindən bəhs edib.
Tədbir məktəb şagirdlərinin iştirakı ilə keçirilən konsert proqramı ilə davam edib. Konsert zamanı Bülbülün repertuarından mahnılar və Fikrət Əmirovun əsərləri səslənib.
Daha sonra qonaqlar muzeyin ekspozisiyası ilə tanış olublar. Fikrət Əmirovun 100 illiyi münasibətilə ekspozisiyada nümayiş etdirilən bəstəkarın əlyazmaları, notları, məktub və teleqramları qonaqların marağına səbəb olub.
Bölmənin digər xəbərləri
