Daşkəsən dəmir filizinin zənginləşdirilməsindən alınan tullantıların kompleks emalı - yeni nəşr
Bakı, 23 iyun, AZƏRTAC
Kataliz və Qeyri-üzvi Kimya İnstitutunun böyük elmi işçisi Aybəniz Quliyevanın “Daşkəsən dəmir filizinin zənginləşdirilməsindən alınan tullantıların kompleks emalı” adlı kitabı nəşr olunub.
İnstitutdan AZƏRTAC-a bildirilib ki, kitabda Daşkəsən rayonu ərazisində yerləşən dəmir filizinin zənginləşdirilməsindən alınan tullantıların tərkibindəki sənaye əhəmiyyətli metalların çıxarılması haqqında məlumat verilir. Daşkəsən dəmir filizinin emalından alınan tullantıların tərkibinə daxil olan metalların (Co, Cu, Zn, Mn) zəif turşu məhlulu ilə yuyulub çıxarılması, həmin metalların çökmə və sorbsiya üsulları ilə qatılaşdırılıb çıxarılması haqqında məlumatlar kitabda öz əksini tapıb.
Kitab elmi-tədqiqat təşkilatlarının mütəxəssisləri, eləcə də əlvan metallurgiya sahəsində ixtisaslaşan tələbələr və aspirantlar üçün nəzərdə tutulub.
Bölmənin digər xəbərləri
