Dekabrın birinci ongünlüyündə ən aşağı temperatur Gədəbəydə qeydə alınıb
Bakı, 14 dekabr, AZƏRTAC
Respublikanın əksər bölgələrində dekabr ayının birinci ongünlüyündə hava şəraiti yağıntılı keçib. Havanın orta temperaturu çoxillik iqlim normasından 2-3º, ötən ilin göstəriciləri ilə müqayisədə isə 3-6º aşağı olması ilə səciyyələnib.
Ekologiya və Təbii Sərvətlər Nazirliyinin Milli Hidrometeorologiya Xidmətindən AZƏRTAC-a verilən məlumata görə, havanın dekadalıq orta temperaturu paytaxt üzrə Maştağada 5,3º, Qarabağ bölgəsi, Gəncə-Goranboy, Mil-Muğan və Mərkəzi Aranda 3-5º, Şəki-Zaqatalada 1-4º, Dağlıq Şirvan bölgəsi (-0,7)-1,6º, Qubada 0,4º, Lənkəran-Astarada 0,6-5º, Tovuz-Qazaxda (-1,8)-3º qeydə alınıb.
Havanın minimum temperaturu Gədəbəydə -8º, Şamaxıda -4º, Quba və Qazaxda -3º, Şəki və İsmayıllıda -2º, Zaqatala və Ceyrançöldə -1º, Gəncədə 0º, Bərdədə 1º, Zərdab, Göyçay, Cəfərxan, Lənkəran və Maştağada 2º olub.
Bölmənin digər xəbərləri
