DELFİ OYUNLARINDA İKİ GÜMÜŞ MEDAL QAZANILMIŞDIR
AZƏRTAC xəbər verir ki, Saratov şəhərində keçirilən II Delfi Oyunları başa çatmışdır. Azərbaycanı təmsil edən iki iştirakçı - Ülvi Abdınova və Sevinc Mustafayeva gümüş medal qazanmışlar.
“Kulinariya sənəti” nominasiyasında Mixael Valentinos (Kipr), İrina Derqunova (Rusiya) və Aleksandr Sıqançuk (Ukrayna) qalib gəlmişlər. Kiçik yaş qrupunda qaliblərin üçü də rusiyalıdır: Aleksandr Xapkin, Kseniya Nasupkina və Darya Ferina.
Böyük yaş qrupunda “Fotoqrafiya” nominasiyasında heç bir iştirakçıya medal verilməmişdir. Üç müsabiqə iştirakçısına silsilə fotoişlər üçün xüsusi diplomlar tədqim edilmişdir: Slavyan Kostov (Bolqarıstan) “Adəm və Həvva” , Aleksandr Drozdin “Həyatımın bir günü” və Pavel Astraxov “Zirvə”.
Rusiyalı Timur Qalinurov “Xalq mahnısı” nominasiyasında qızıl, Ülvi Abdınova (Azərbaycan) gümüş, Yuliya Qolubkova (Rusiya) isə bürünc medala layiq görülmüşlər.
Orta qrupda qızıl medala Tamara Kostritskaya (Moldova), gümüş medala Sevinc Mustafayeva (Azərbaycan), bürünc medala isə Valentin Şmaqin (Rusiya) layiq görülmüşlər.
Bölmənin digər xəbərləri
