Demokrat Pit Buttiçiç 2020-ci ilin prezident yürüşlərindən çıxdığını elan edib
Vaşinqton, 2 mart, AZƏRTAC
Saut-Bend şəhərinin sabiq meri və 2020-ci ildə ABŞ-da prezident seçkilərində Demokratlar Partiyasının nominasiyasına iddiaçılardan biri Pit Buttiçiç Cənubi Karolinada Co Baydenə və Berni Sandersə uduzduğu praymerizin xoşagəlməz nəticəsindən sonra kampaniyasının başa çatdığını elan edib.
AZƏRTAC xəbər verir ki, Buttiçiç öz kampaniyası gedişində milyonlarla seçicinin dəstəyini qazanıb. Buttiçiç bir o qədər də tanınan siyasətçi olmasa da, seçkiqabağı kampaniyası gedişində böyük uğurlar əldə edib və bu ilin fevralında Ayovada keçirilmiş praymerizdə daha təcrübəli demokratları qabaqlayıb.
Buttiçiç ABŞ-ın sabiq prezidenti Cimmi Karterlə görüşündən və Alabamada vətəndaş hüquqları uğrunda hərəkatla əlaqədar bayram tədbirlərində iştirakından sonra kampaniyasını bitirmək barədə qərar qəbul edib.
AZƏRTAC-ın Vaşinqton bürosu
Bölmənin digər xəbərləri
