Demokrat Tom Steyer də ABŞ-da prezident yürüşündən çıxıb
Vaşinqton, 2 mart, AZƏRTAC
Milyarder və ekologiya fəalı Tom Steyer 2020-ci ilin prezident yürüşündən çıxdığını elan edib.
AZƏRTAC xəbər verir ki, o, bu qərarı Cənubi Karolinada praymerizdə Co Baydenin qələbəsindən sonra qəbul edib.
Steyer Cənubi Karolinada öz tərəfdarları qarşısında çıxışında onların dəstəyinə görə təşəkkür edib və Amerika siyasətində iştirakını davam etdirəcəyini vəd edib. O, həmçinin vurğulayıb ki, demokratlardan prezident vəzifəsinə hər hansı namizəd Donald Trampdan daha yaxşı prezident olacaq.
Xatırladaq ki, ABŞ-da prezident seçkiləri 2020-ci il noyabrın 3-də keçiriləcək.
AZƏRTAC-ın Vaşinqton bürosu
Bölmənin digər xəbərləri
