DƏRBƏND RAYONUNDA HEYDƏR ƏLİYEV ADINA MƏKTƏB AÇILACAQ
AZƏRTAC “Novosti” agentliyinə istinadla xəbər verir ki, Dağıstanın Dərbənd rayonundakı Cəmikənd kəndində Azərbaycan xalqının ümummilli lideri Heydər Əliyevin adına məktəb açılacaqdır. Rayon icra hakimiyyətinin mətbuat katibi Nazilə Əsgərova agentliyin müxbirinə bildirmişdir ki, məktəbin açılışı, çox güman, sentyabrın 8-də olacaqdır.
Məktəb hərəsində 520 şagird yeri olan iki korpusdan ibarətdir. Təhsil ocağı şagirdləri qəbul etmək üçün, demək olar, tam hazırdır.
Təntənəli açılış mərasimində Dağıstan Respublikasının Prezidenti Muxu Əliyevin və Azərbaycandan nümayəndə heyətinin də iştirak edəcəyi gözlənilir.
Bölmənin digər xəbərləri
