Dmitri Medvedev Fransanın nüfuzunun azalmasından yazıb
Moskva, 6 mart, AZƏRTAC
Fransanın Asiya, Afrika və Latın Amerikasında nüfuzu sürətlə azalır.
AZƏRTAC xəbər verir ki, bu barədə Rusiya Təhlükəsizlik Şurasının sədr müavini Dmitri Medvedev özünün sosial şəbəkə hesabında yazıb. O qeyd edib ki, Mərkəzi Afrika Respublikası və Mali Fransa hərbi kontingentinin ölkələrindən çıxmasını tələb edirlər, Burkina Faso hökuməti isə 1961-ci ildə imzalanmış Hərbi Yardım haqqında Müqavilədən çıxır.
Siyasətçi hesab edir ki, buna səbəb yeni çoxqütblü dünyadır və o, daha mürəkkəb olacaq, ancaq Rusiyanı bu sxem razı salır. “Rusiyanın dialoq aparması üçün qadağan olunmuş regionlar yoxdur, çünki bizim heç zaman müstəmləkəmiz olmayıb”, - deyə D.Medvedev vurğulayıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
