Dmitri Peskov: Rusiya Cənubi Qafqazda sabitləşmə üzrə ardıcıl rol oynamaqda davam edir
Moskva, 5 sentyabr, AZƏRTAC
Rusiya Cənubi Qafqazda vəziyyətin sabitləşməsi və münaqişəyə son qoyulması üzrə ardıcıl, çox mühüm rol oynamaqda davam edir.
AZƏRTAC xəbər verir ki, bu barədə jurnalistlərə RF Prezidentinin mətbuat katibi Dmitri Peskov bildirib.
Kremlin nümayəndəsi qeyd edib ki, Moskva Rusiyanı Cənubi Qafqaz regionundan uzaqlaşmaqda ittiham edən Ermənistanın baş naziri Nikol Paşinyanın fikirləri ilə razı deyil. Əksinə, RF regionu tərk etmək istəmir və bunu edə bilməz.
Kremlin nümayəndəsi əmin olduğunu bildirib ki, Rusiya Cənubi Qafqaz regionunda, xüsusən Qarabağda təhlükəsizliyin və sabitliyin qarantı rolunu oynamaqda davam edəcək. O, Rusiya, Azərbaycan və Ermənistan liderlərinin imzaladıqları üçtərəfli razılaşmaların əhəmiyyətini vurğulayıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
