“Doğma Qarabağım, Xocalım mənim” adlı poetik kompozisiya hazırlanmışdır
Bakı, 19 fevral (AZƏRTAC). Füzuli Dövlət Dram Teatrında Xocalı faciəsinin 20-ci ildönümünə həsr olunmuş “Doğma Qarabağım, Xocalım mənim” adlı poetik kompozisiya hazırlanmışdır.
AZƏRTAC xəbər verir ki, kompozisiya fevralın 25-dən başlayaraq ümumtəhsil məktəblərində, “N” saylı hərbi hissədə və rayon ictimaiyyəti qarşısında nümayiş olunacaqdır.
Səhnə əsəri ermənilərin xalqımıza qarşı törətdikləri dəhşətli cinayətlərdən və soydaşlarımızın torpağa, Vətənə sevgisindən bəhs edir.
Kompozisiyanın ssenari müəllifləri Vaqif Vəliyev, Şəlalə Kərimova, quruluşçu rejissoru Asif Şirinov, quruluşçu-rəssamı Ellinaz Balaşova, musiqi tərtibatçısı Nizami Süleymanovdur. Rollarda Vaqif Rəhimov, Şəlalə Nəsirova, Məryəm Məmmədova, Sevinc Məmmədova, Gülnar Həsənova, Şəlalə Kərimova, Qaçaq Qarayev, Əli Hüseynov və başqaları çıxış edirlər.
Bölmənin digər xəbərləri
