DOKTOR ROŞAL MƏKTƏBLİLƏRİN SAĞLAMLIĞI SARIDAN ÇOX NARAHATDIR
Onun sözlərinə görə, Rusiya məktəblilərinin sağlamlıq göstəriciləri son on ildə xeyli pisləşib və bunu keçirilmiş dispanserləşdirmənin nəticələri, tam həcmdə olmasa da, çox dəqiq göstərmişdir.
Doktor Roşal “İnterfaks” agentliyinə müsahibəsində demişdir: “Oktyabr inqilabından sonrakı dövrü, müharibədən əvvəlki və sonrakı illəri, habelə müharibə illərini nəzərə almasaq, görərik ki, ölkəmizdə hələ heç vaxt bu sahədə indiki kimi vəziyyət olmamışdır”.
Leonid Roşal Rusiyada uşaqların sağlamlığının pisləşməsinin bir neçə səbəbini göstərmişdir. Onun fikrincə, məktəblilərin qidalanması üçün dövlətin ayırdığı vəsait kifayət qədər deyildir. Məktəblərdə tibb işçiləri çatışmır, əmək haqqı az olduğundan tibb bacıları və həkimlər tədris müəssisələrindən çıxıb, xəstəxanalara və poliklinikalara gedirlər.
Doktor Roşal məktəbdə bədən tərbiyəsi fənninin tədrisinə ciddi münasibət göstərilmədiyini də daha bir problem hesab edir.
Bölmənin digər xəbərləri
