Domeniko Tedesko: İnanıram ki, Lukaku Azərbaycan millisi ilə oyunda liderliyini nümayiş etdirəcək
Bakı, 8 sentyabr, AZƏRTAC
Komandada lider ola biləcək bir neçə oyunçumuz var, onlardan biri də Romelu Lukakudur. İnanıram ki, o, Azərbaycanla matçda bu keyfiyyətini nümayiş etdirə biləcək.
AZƏRTAC xəbər verir ki, bu sözləri Belçika millisinin baş məşqçisi Domeniko Tedesko AVRO-2024-ün seçmə mərhələsində sentyabrın 9-da Bakıda Azərbaycan yığmasına qarşı keçiriləcək oyunla bağlı yerli mətbuata açıqlamasında deyib.
37 yaşlı mütəxəssis Lukakunun bacarığına arxayın olduğunu bildirib: “Onun komandaya böyük təsiri var. Əminliklə deyə bilərəm ki, Lukaku oyundan öncə paltardəyişmə otağındakı ab-havanı dəyişməyi bacaracaq".
Qeyd edək ki, “Dalğa Arena”da keçiriləcək Azərbaycan - Belçika oyunu saat 17:00-da başlayacaq.
Bölmənin digər xəbərləri
