Dövlət müstəqilliyinin başlandığı məkan – Milli Azərbaycan Ədəbiyyatı Muzeyi mövzusunda konfrans keçiriləcək
Bakı, 17 fevral, AZƏRTAC
2025-ci ilin oktyabr ayında Nizami Gəncəvi adına Milli Azərbaycan Ədəbiyyatı Muzeyində respublika konfransı keçiriləcək.
Muzeydən AZƏRTAC-a bildirilib ki, cari ilin oktyabr ayında Milli Azərbaycan Ədəbiyyatı Muzeyində “Azərbaycan dövlət müstəqilliyinin başlandığı məkan – Nizami Gəncəvi adına Milli Azərbaycan Ədəbiyyatı Muzeyi” mövzusunda respublika elmi konfransı keçiriləcək.
Konfransda “Azərbaycan istiqlal mübarizəsi tarixi və ədəbiyyatımız”, “Ədəbiyyat Muzeyində Azərbaycan Cümhuriyyətinin Nazirlər Kabinetinin fəaliyyəti və şəxsiyyətləri”, “Ədəbiyyat Muzeyinin binasında Azərbaycan Cümhuriyyətinin Xüsusi Təhqiqat Komissiyasının fəaliyyəti”, “Ədəbiyyat Muzeyinin Azərbaycan müstəqillik tarixinə töhfələri”, “Azərbaycan gəncliyinin vətənpərvərlik və dövlətçilik ruhunda tərbiyəsində muzey ekspozisiyasının yeri” mövzuları üzrə müzakirələr aparılacaq.
Ətraflı məlumatı muzeyin saytından əldə etmək olar.
Bölmənin digər xəbərləri
