Dövlət Torpaq və Xəritəçəkmə Komitəsində 20 Yanvar şəhidlərinin xatirəsi yad edilmişdir
Bakı, 19 yanvar (AZƏRTAC). Dövlət Torpaq və Xəritəçəkmə Komitəsində 20 Yanvar faciəsinin 22-ci ildönümünə həsr olunmuş tədbir keçirilmişdir.
20 Yanvar faciəsində həlak olmuş şəhidlərin əziz xatirəsi bir dəqiqəlik sükutla yad edilmişdir.
DTXK-nin sədri Qərib Məmmədov bildirmişdir ki, keçmiş sovet dövlətinin hərb maşınının Azərbaycan xalqına qarşı həyata keçirdiyi hərbi təcavüz insanlığa qarşı törədilmiş ən ağır cinayətlərdən biridir. Bu qanlı aksiya zamanı 137 insan şəhid olmuş, 744 nəfər ağır xəsarət almışdır ki, onlardan 331-i əlildir.
Həmin günlərdə ulu öndər Heydər Əliyev Moskvada ailəsi ilə birlikdə Azərbaycan səfirliyinə gələrək bu qanlı faciəni törədənləri lənətləmiş, o cümlədən SSRİ-nin rəhbəri M.Qorbaçova etirazını bildirmişdir.
Tədbirdə digər çıxış edənlər vurğulamışlar ki, Prezident İlham Əliyev ölkə müstəqilliyi uğrunda şəhid olmuş 20 Yanvar hadisəsinin iştirakçılarının hər birinin ailəsinə diqqətini əsirgəməmiş, onların üzləşdiyi problemlərin həlli daim dövlətin nəzarətində olmuşdur.
Bölmənin digər xəbərləri
