DÜNYA AZƏRBAYCANLILARININ HƏMRƏYLİYİ GÜNÜ İLƏ BAĞLI TƏDBİR KEÇİRİLMİŞDİR

30.12.2005 [21:26]
Çap et
A⁺ A^-

AZƏRTAC xəbər verir ki, dekabrın 30-da “Azərbaycan” mehmanxanasında Türkiyə Universitetləri Məzunları İctimai Birliyi 31 dekabr - Dünya Azərbaycanlılarının Həmrəyliyi Günü və Yeni il bayramı ilə bağlı tədbir keçirmişdir.

Birliyin sədri Çingiz Bayramov gənclərin ümummilli liderimiz Heydər Əliyevin siyasi xəttinin layiqli davamçısı Prezident İlham Əliyevi qətiyyətlə dəstəklədiyini və onun ətrafında sıx birləşdiyini bildirmişdir. Dünya Azərbaycanlılarının Həmrəyliyi Gününün qeyd edilməsinin əhəmiyyətini nəzərə çarpdıran natiq, iştirakçıları bayram münasibətilə təbrik etmişdir.

Türkiyənin Bakıdakı səfirliyinin təhsil müşaviri Səlahəttin Dikmen xalqlarımızın uğurlarından sonsuz sevinc və qürur duyduğunu söyləmişdir.

Türkiyə ilə Azərbaycan arasındakı təhsil əlaqələrindən bəhs edən S. Dikmen bu əlaqələrin daha da genişləndirilməsinin vacibliyini vurğulamışdır.