“DÜNYA ƏDƏBİYYATI” SERİYASINDAN NÖVBƏTİ KİTAB
AZƏRTAC xəbər verir ki, əsası 2005-ci ildə qoyulmuş “Dünya ədəbiyyatı” seriyasından Türkiyənin qadın şairlərinin əsərlərindən ibarət “Bir yarpaq” antologiyası “Yurd” nəşriyyat-poliqrafiya birliyində çap olunmuşdur. Topluya Osmanlılar dövrünün tanınmış ilk qadın şairləri Mehri Xatın və Zeynəb Xatınla (XV əsr) yanaşı, müasirlərimiz Gültən Akın, Sennur Sezer, Aytən Mutlu, Lalə Müldür və digərlərinin də şeirləri daxil edilmişdir.
Azərbaycanda Atatürk Mərkəzinin maliyyə vəsaiti ilə çap edilmiş kitabın ön sözünün müəllifi AMEA-nın müxbir üzvü, professor Nizami Cəfərov, tərtibçisi və redaktoru Səlim Babullaoğludur. Şeirləri Azərbaycan türkcəsinə Narıngül uyğunlaşdırmışdır.
Bölmənin digər xəbərləri
