Dünyaca məşhur “Ovod” M.Teatrın səhnəsində
Bakı, 3 iyun, AZƏRTAC
Müstəqil M.Teatr – “Mənim Teatrım”ın səhnəsində məşhur ingilis yazıçısı Etel Lilian Voyniçin eyniadlı romanı əsasında səhnələşdirilmiş “Ovod” tamaşasının premyerası olub.
AZƏRTAC xəbər verir ki, yeni hazırlanan tamaşanı səhnələşdirən və quruluşçu rejissoru Xalq artisti Vidadi Həsənov, bəstəkarı Əli Cəfərzadə, səs rejissoru Fəyyaz Ələkbərov, geyim üzrə rəssamı Oksana Rəsulovadır.
Səhnə əsərində rolları Xalq artisti Vidadi Həsənov, Əməkdar artist İlqar Cahangir, aktyorlar Ziya Ağa, Oksana Rəsulova, Tural Rzayev, Şamil İbrahimov, Cavid Baba və Ramiz Qəmbər ifa edirlər.
Məlumat üçün bildirək ki, “Ovod” 1897-ci ildə ABŞ-da çap olunub. Əsər Gənclər Hərəkatının üzvü olan Artur Berton adlı qəhrəmanın, əsasən, atası kordinal Montanelli və dostu Cemmayla münasibətləri ətrafında baş verən faciəvi hadisələri əks etdirir.
Tamaşanın növbəti premyerası iyunun 7-8-də keçiriləcək.
Bölmənin digər xəbərləri
