“Dünyada ən çox istifadə olunan ticarət qaydaları” adlı vebinar keçirilib
Bakı, 26 iyun, AZƏRTAC
Azərbaycan Banklar Assosiasiyası (ABA) beynəlxalq təşkilatlarla birgə bank əməkdaşlarının bilik və bacarıqlarının artırılması istiqamətində tədbirlərin həyata keçirilməsini davam etdirir.
AZƏRTAC xəbər verir ki, belə tədbirlərdən biri də “Ticarətin və layihələrin maliyyələşdirilməsi üzrə Ekspert Qrupu”nun təşəbbüsü ilə təşkil olunan “Dünyada ən çox istifadə olunan ticarət qaydaları” adlı vebinardır. Vebinar Beynəlxalq Ticarət Palatası (ICC) və Dubai Ticarət və Sənaye Palatası (DCCI) tərəfindən keçirilib.
Vebinarda ABA-ya üzv bankların nümayəndələrinə əvvəlki “Incoterms 2010” və yeni “Incoterms 2020” qaydaları arasında müəyyən fərqliliklər və xüsusiyyətlər barədə ətraflı məlumat verilib.
Qeyd edək ki, “Incoterms” beynəlxalq ticarətin ən önəmli anlayışlarından biridir və ticarəti asanlaşdırmaq üçün on illərdir istifadə olunur. Qaydaların ilk versiyası 1936-cı ildə dərc olunub və onun son versiyası ötən il yanvarın 1-də qüvvəyə minib.
Bölmənin digər xəbərləri
