Dünyada metaloksla işləyən mühərrikli ilk raketin uğurlu buraxılışı olub VİDEO
Pekin, 12 iyul, AZƏRTAC
Çində dünyanın metaloks (metan və maye oksigen qarışığı) yanacağı ilə işləyən mühərrikli ilk raketi uğurla orbitə buraxılıb.
AZƏRTAC xəbər verir ki, “Cuque-2” (“Zhuque-2”) adlı raket Qobi səhrasındakı Ciuçüen kosmodromundan buraxılıb. “LandSpace” adlı özəl şirkətə məxsus raketin diametri 3,35 metr, hündürlüyü 49,5 metr, qalxma çəkisi 219 tondur.
Bu, “Cuque-2” raketinin ikinci test buraxılışdır. Ötən ilin dekabrında ilk cəhd uğursuz olmuşdu.
Qeyd edək ki, metaloks ucuz və ekoloji təmiz yanacaq hesab olunur.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
