Dünyada son sutka ərzində koronavirusdan ölənlərin sayı 11 mindən çox olub
Bakı, 12 yanvar, AZƏRTAC
Dünyada koronavirusa yoluxanların sayı son sutka ərzində 660 mindən çox artıb.
AZƏRTAC TASS informasiya agentliyinə istinadən xəbər verir ki, bu barədə Ümumdünya Səhiyyə Təşkilatının (ÜST) hesabatında deyilir.
Məlumata əsasən, ötən sutka ərzində 660 min 993 nəfər yeni koronavirusa yoluxub, 11 min 61 nəfər isə dünyasını dəyişib. Yoluxanların ümumi sayı 89 milyon 48 min 345, ölənlərin isə 1 milyon 930 min 265 nəfərə çatıb.
Qeyd edək ki, ÜST-nin hesabatı yalnız rəsmi göstəricilər əsasında hazırlanır.
Bölmənin digər xəbərləri
