DVX-nin əməkdaşları könüllü qanvermə aksiyasında iştirak ediblər
Bakı, 14 fevral, AZƏRTAC
İqtisadiyyat Nazirliyi yanında Dövlət Vergi Xidmətinin (DVX) əməkdaşları Milli Hematologiya və Transfuziologiya Mərkəzinin nazirliyə müraciəti əsasında hemofiliya, talassemiya və digər qan xəstəliklərindən əziyyət çəkənlərə yardım məqsədilə könüllü qanvermə aksiyasında iştirak ediblər.
AZƏRTAC Dövlət Vergi Xidmətinə istinadla xəbər verir ki, “Heydər Əliyev İli” çərçivəsində keçirilmiş aksiyada DVX-nin Bakı, Gəncə, Sumqayıt, Şirvan, Lənkəran və Quba şəhərlərində fəaliyyət göstərən strukturlarında çalışan 450-dən çox əməkdaşı donor qismində qatılıb.
Əməkdaşların sağlamlıq durumu Mərkəzi Qan Bankının həkimləri tərəfindən qiymətləndirildikdən sonra onların iştiraklarına icazə verilib. Qanvermə aksiyası bir həftə davam edib.
Bölmənin digər xəbərləri
