ƏCNƏBİ TƏLƏBƏLƏR BAKININ GÖRMƏLİ YERLƏRİNİ GƏZMİŞLƏR
AZƏRTAC xəbər verir ki, Ümumdünya Turizm Günü münasibətilə sentyabrın 26-da respublikamızın universitetlərinin birinci kursunda təhsil alan əcnəbi tələbələr üçün Bakının görməli yerlərinə iki saatlıq ekskursiya təşkil edilmişdir.
Ekskursiyaya qatılan Bakı Dövlət Universitetinin, Azərbaycan Dövlət Neft Akademiyasının və Azərbaycan Dövlət İqtisad Universitetinin birinci kurs tələbələrinin ilk ünvanı Hökumət evi olmuşdur. Sonra onlar Bakının görməli yerlərini gəzmiş, o cümlədən İçərişəhərdə olmuşlar.
Mədəniyyət və Turizm Nazirliyinin təşkilatçılığı ilə keçirilən ekskursiyada tələbələr Bakının mənzərəsinə tamaşa etmiş, paytaxtın qədim tarixi abidələri ilə tanış olmuşlar.
Ekskursiyadan tələbələr xoş təəssüratla ayrılmışlar.
Bölmənin digər xəbərləri
