EDVARD MUNXUN “FƏRYAD” VƏ “MADONNA” TABLOLARI QAYTARILMIŞDIR
Bu barədə Osloda nəşr olunan gündəlik “Dagbladet” qəzetinə müsahibə verən Norveçin mədəniyyət naziri Trond Qiske bildirmişdir ki, 2006-cı ilin mayında Norveç polisi tərəfindən yaxalanmış və 4 ildən 8 ilə qədər həbs cəzasına məhkum olunmuş üç oğru avqustun 31-də qarət etdikləri rəsm əsərlərini könüllü, heç bir mükafat tələb etmədən polisə təhvil vermiş, bunun əvəzində cəzalarının yüngülləşdirilməsini və əfv olunmalarını xahiş etmişlər.
Sənətşünas ekspertlər hər iki əsərin Munxun 1893-1894-cü illərdə yaratdığı tabloların əsli və yeganə orijinal nüsxəsi olduğunu təsdiq etmişlər.
Xatırladaq ki, 2004-cü ilin avqustunda Munx rəsm qalereyasına tamaşaçıların gediş-gəlişinin gur çağında silahlı basqın edən cinayətkarlar hər iki tablonu divardan qopararaq aparmışdılar.
Bölmənin digər xəbərləri
