Efiopiya ciddi maliyyə çatışmazlığı səbəbindən fəlakətli aclıqla üzləşə bilər
Bakı, 23 aprel, AZƏRTAC
BMT-nin Ümumdünya Ərzaq Proqramı (BMT ÜƏP) bu həftə Efiopiyada kəskin maliyyə çatışmazlığı səbəbindən qida çatışmazlığından əziyyət çəkən 650 min qadın və uşağın qidalanmasını dayandırır.
AZƏRTAC xəbər verir ki, maliyyələşmənin dayandırılması nəticəsində milyonlarla insan yardımdan məhrum olacaq.
ÜƏP 15-dən 20-dək donordan, o cümlədən ABŞ-dan maliyyə alır, lakin onların bir çoxu bu il maliyyəni kəsib, - deyə ÜƏP-in Efiopiya üzrə direktoru Zlatan Milişic bildirib.
Ümumdünya Ərzaq Proqramının məlumatına görə, Efiopiyada 10 milyondan çox insan ciddi şəkildə ərzaq təminatından məhrumdur, o cümlədən 3 milyonu münaqişə və ekstremal hava şəraiti, habelə müharibədən əziyyət çəkən qonşu Sudandan olan qaçqınlardır.
Milişiçin sözlərinə görə, iyun ayına qədər daha çox maliyyə vəsaiti alınmasa, 3,6 milyon insan yardımdan məhrum ola bilər, o cümlədən onlardan bəziləri qida çatışmazlığından müalicə olunur.
Efiopiyada ərzaq böhranı 2020-2022-ci illərdə Tıqrayda baş verən vətəndaş müharibəsi səbəbindən son illərdə daha da kəskinləşib. Ölkə, həmçinin 2022-ci ildə Afrika Buynuzu bölgəsində son onilliklərin ən güclü quraqlığı ilə üzləşib.
ÜƏP daha əvvəl bu il bölgədə quraqlığın yenidən qayıdacağı barədə xəbərdarlıq etmişdi.
Bölmənin digər xəbərləri
