Əfqanıstanda bir neçə xarici qeyri-hökumət təşkilatı fəaliyyətini dayandırıb
Bakı, 26 dekabr, AZƏRTAC
Əfqanıstan hökumətinin qadınların QHT-lərdə işləməsinə qoyduğu müvəqqəti qadağa səbəbindən üç xarici qeyri-hökumət təşkilatı fəaliyyətini dayandırıb.
AZƏRTAC “The Express Tribune” qəzetinə istinadla xəbər verir ki, beynəlxalq “Save the Children” və “CARE İnternational” təşkilatları, həmçinin Norveçin Qaçqınlar Şurası proqramlarını dayandırdıqlarını və Əfqanıstan hökumətinin izahatını gözlədiklərini bildiriblər. Onlar qadınların iştirakı olmadan milyonlarla insana yardım göstərə bilməyəcəklərini vurğulayıblar.
Dekabrın 24-də Əfqanıstan hökuməti ölkədə fəaliyyət göstərən bütün QHT-lərə növbəti bildirişə qədər qadın işçilərinin fəaliyyətini dayandırmaq göstərişi verib. Bu qərar bəzi qadınların hakimiyyət tərəfindən müəyyənləşdirilən geyim qaydalarına riayət etməməsi ilə izah olunub.
Bölmənin digər xəbərləri
