Əhalinin rifahının yaxşılaşdırılması Prezident İlham Əliyevin siyasətində prioritet istiqamətdir
Bakı, 25 dekabr, AZƏRTAC
Əhalinin, xüsusilə aztəminatlı ailələrin rifahının yaxşılaşdırılması dövlətimizin, Prezident İlham Əliyevin siyasətində prioritet istiqamətdir.
AZƏRTAC xəbər verir ki, bunu Milli Məclisin əmək və sosial siyasət komitəsinin sədri Musa Quliyev parlamentin bu gün keçirilən iclasında deyib.
Dövlət Sosial Müdafiə Fondunun (DSMF) 2021-ci il üçün büdcə layihəsinə münasibət bildirən komitə sədri qeyd edib ki, gələn il üçün DSMF-nin gəlirləri və xərcləri 5 milyard 146 milyon manat nəzərdə tutulub. 2021-ci ildə əmək pensiyalarının maliyyələşdirilməsi üçün ayrılan vəsaitin artması nəzərdə tutulur. Növbəti ildə yaşa görə pensiyanın ümumi məbləği 370 manat, əlilliyə görə isə 337 manat olaraq planlaşdırılır. Ölkəmiz həm minimum, həm də orta aylıq pensiya üzrə MDB ölkələri arasında liderliyini qoruyur.
Musa Quliyev diqqətə çatdırıb ki, fondun büdcəsinin 97,6 faiz əhaliyə ödəniş üçün nəzərdə tutulur.
Bölmənin digər xəbərləri
