Əhliman Əmiraslanov: Azərbaycanda antibiotiklərin satışı ilə bağlı qanuna riayət olunmur
Bakı, 20 iyun, AZƏRTAC
Antibiotiklərin satılması reseptlə olmalıdır. Azərbaycanda bununla bağlı qanun var, amma riayət olunmur. Antibiotiklərin reseptsiz istifadəsi ciddi nəticələrə, ağırlaşmalara gətirib çıxarır. Xüsusən uşaqlara həkim məsləhəti olmadan antibiotiklərin verilməsinin ağır fəsadları olur. Səhiyyə qurumları bununla ciddi məşğul olmalıdırlar.
AZƏRTAC xəbər verir ki, bu sözləri Milli Məclisin Səhiyyə komitəsinin sədri Əhliman Əmiraslanov komitənin iyunun 20-də keçirilən iclasında deyib.
Komitə sədri, həmçinin bildirib ki, “Dərman vasitələri haqqında” Qanuna təklif edilən dəyişikliklər bir çox məsələləri aradan qaldıracaq. Lakin müəyyən sadələşmələr gərək keyfiyyətə mənfi təsir etməsin. Əvvəl gətirilən dərman vasitələri aylarla gözlədilirdi, indi isə sənədləşmə işləri bir neçə gün çəkəcək. İdxalçı şirkətlər bundan istifadə edib ölkəyə keyfiyyətsiz dərmanlar gətirməməlidir.
Bölmənin digər xəbərləri
