Elias Martinez: Dünyada irqçilik və bərabərsizliklərə qarşı heç kim tam immunitetə malik deyil
Bakı, 3 iyun, AZƏRTAC
Afrika mənşəli xalqların hüquqlarının müdafiəsi və qlobal ədalətsizliklərə qarşı mübarizəsi bu gün də aktual olaraq qalır.
AZƏRTAC xəbər verir ki, bu fikirləri Bakıda keçirilən “İmperial quruluş: müstəmləkəçilik ideologiyaları və reallıqlar” mövzusunda beynəlxalq elmi konfransda çıxış edən BMT-nin Afrika Əsilli Xalqların Daimi Forumunun (PFPAD) üzvü, kolumbiyalı pastor Elias Murillo Martinez səsləndirib.
O qeyd edib ki, burada təqdim etdiyi kitab onun adı ilə bağlıdır və bu vəsait, eyni zamanda, Afrika mənşəli insanların tarixində və bu gün qarşılaşdıqları problemlərə diqqət çəkmək üçün bir vasitədir.
Natiq bildirib ki, dünyada irqçilik və bərabərsizliklərə qarşı heç kim tam immunitetə malik deyil. “Afrika mənşəli xalqlar isə tarixən müstəmləkəçilik və köləlik siyasətinin ilk və ən ağır qurbanları olublar. Bu gün də həmin siyasətlərin nəticələri davam edir.
Hazırda miqrasiya məsələləri, siyasi məqsədlərlə alətə çevrilmiş insan hüquqları, irqçilik və xüsusilə ksenofobiya qlobal çağırışlara çevrilib. İqlim böhranı, enerji keçidi və süni intellektin inkişafı kimi müasir proseslər də sosial bərabərsizliklərə və irqçiliyə yeni təsir formaları yaradır. Bu problemlərin aradan qaldırılması üçün Afrika mənşəli insanların tarixi, təcrübəsi və mövqeyi nəzərə alınmalı, onların qlobal qərarların qəbulunda daha fəal iştirakı təmin olunmalıdır”, - deyə pastor vurğulayıb.
Bölmənin digər xəbərləri
