Elmi seminar: Data analitikasında faktor və klaster analizinin tətbiqi
Bakı, 13 oktyabr, AZƏRTAC
Azərbaycan Dövlət İqtisad Universitetində (UNEC) “Data analitikasında faktor və klaster analizinin tətbiqi” mövzusunda onlayn seminar keçirilib.
Bu barədə AZƏRTAC-a universitetdən məlumat verilib.
Tədqiqat mərkəzlərinin işinin əlaqələndirilməsi və təşkili şöbəsinin müdiri Rəna Hüseynova Türk Dünyası İqtisadi Araşdırmalar Mərkəzinin fəaliyyətindən danışıb, seminarın aktual və maraqlı mövzuya həsr olunduğunu qeyd edib.
Mərkəzin rəhbəri Oqtay Quliyev təqdimatla çıxış edərək faktor analizinin məzmunu və mahiyyəti barədə məlumat verib. Klaster alqoritminin tətbiqi sahələri barədə danışan məruzəçi istehlak tərzlərinə aid simvolik, rasional və planlı istehlak davranışlarının təhlili metodlarını iştirakçılarla bölüşüb.
Seminarda mövzu ilə bağlı geniş müzakirələr aparılıb, suallar cavablandırılıb.
Tədbir UNEC-in rəsmi feysbuk səhifəsi üzərindən canlı yayımlanıb.
Bölmənin digər xəbərləri
