Elvin Hüseynov: İndiyədək "YAŞAT" Fondu tərəfindən 67 layihə həyata keçirilib
Bakı, 8 dekabr, Göyçək Mahmudlu, AZƏRTAC
İndiyədək "YAŞAT" Fondu tərəfindən 67 layihə həyata keçirilib. Həmin layihələrdə 29 min 136 nəfər iştirak edib.
AZƏRTAC xəbər verir ki, bunu “YAŞAT” Fondunun rəhbəri, Qarabağ qazisi Elvin Hüseynov 5 illik fəaliyyətinə dair keçirilən mətbuat konfransında hesabat xarakterli çıxışı zamanı deyib.
Bildirib ki, 2020-ci il sentyabrın 27-dən sonra dünyaya gələn 120 şəhid övladı ilə bağlı "YAŞAT" Fondu tərəfindən “Onlar bizə əmanət” layihəsi həyata keçirilib. Layihə çərçivəsində yeni doğulmuş şəhid övladlarının zəruri xərclərinin qarşılanması məqsədilə min manat məbləğində maddi yardım edilib və şəhid övladlarının adına 5 min manat məbləğində depozit hesabı açılıb.
Hər iki valideynini itirən 7 şəhid övladının adına 5 min manat məbləğində depozit hesabı açılıb. Bunlara Bərdə və Gəncə terrorunda valideynlərini itirmiş uşaqlar da daxildir.
Bölmənin digər xəbərləri
