Əmək bazarında ən çox tələb olunan top 5 peşə sahəsi müəyyən edilib
Bakı, 14 aprel, AZƏRTAC
Əmək və Əhalinin Sosial Müdafiəsi Nazirliyinin tabeliyində Əmək Bazarı və Sosial Müdafiə Məsələləri üzrə Milli Observatoriya əmək bazarı üzrə təhlil və tədqiqatlarını davam etdirir.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, Milli Observatoriya növbəti dəfə mövcud əmək bazarında ən çox tələb olunan peşə sahələrinin müəyyən olunması üzrə araşdırma aparıb.
Bunun üçün ölkəmizin əmək bazarında 2020-ci ilin may ayından 2022-ci ilin fevral ayına qədərki dövrə aid 25 min iş elanı toplanılaraq təhlil edilib.
Beləliklə, müəyyən olunub ki, əmək bazarında 17,5 faiz göstərici ilə maliyyə-mühasibatlıq üzrə peşə sahiblərinə tələbat liderlik edir.
Digər dördlükdə marketinq və satış (13,9 faiz), İKT və dizayn (10,3 faiz), pərakəndə ticarət (9,1 faiz) və təchizat-logistika (6,2 faiz) üzrə iş elanları yer alır.
Bölmənin digər xəbərləri
