Əməkdar artist Şəhriyar İmanov #senetinledestekle çağırışına dəstək verəcək
Bakı, 13 aprel, AZƏRTAC
Ölkəmizi onun hüdudlarından kənarda virtuoz ifası ilə layiqincə təmsil edən, tarın sarı simi ilə qəlbləri riqqətə gətirən Əməkdar artist Şəhriyar İmanov bu dəfə izləyiciləri #senetinledestekle layihəsində evdən salamlayacaq.
AZƏRTAC xəbər verir ki, istedadlı tarzən geniş diapazona malik milli musiqi alətlərimizin imkanlarını sübut edərək, dünya musiqisinin 7 notun sehrinə köklənərək insanların duyğularını ifadə etməsindən, ifaçılıq təcrübəsindən söz açacaq, izləyicilərin suallarını cavablandıracaq.
Şəhriyar İmanovun musiqi dünyası ilə tanış olmaq istəyənlər aprelin 14-də saat 18.00-da Baş İdarənin @bakimedeniyyetidaresi və sevimli tarzənin @shahriyarimanov “Instagram” hesablarından canlı konsertə baxa bilərlər.
Bölmənin digər xəbərləri
