“Əməyin mühafizəsi və təhlükəsizlik texnikası” beynəlxalq standartı üzrə kurs təşkil olunmuşdur
Bakı, 5 oktyabr (AZƏRTAC). Oktyabrın 3-dən 5-dək ARDNŞ-in Təlim, Tədris və Sertifikatlaşdırma İdarəsində idarə və təşkilatların 29 nəfərdən ibarət mütəxəssisləri üçün “Əməyin mühafizəsi və təhlükəsizlik texnikası” beynəlxalq standartı üzrə kurs təşkil olunmuşdur.
AZƏRTAC xəbər verir ki, iştirakçılara əsasən OHSAS 18001 idarəetmə sisteminin mahiyyəti, üstünlükləri, standartın maddələri və bu standartın tətbiqi məsələləri nəzəri və praktiki məşğələlər vasitəsi ilə geniş şəkildə tədris olunmuşdur. Dinləyicilərin nəzərinə çatdırılmışdır ki, bu standartın tətbiqinin əsas əhəmiyyəti milli qanunvericilik aktlarına və normativ sənədlərə əsaslanaraq müəssisə üzrə bütün növ risklərin müəyyən edilərək qiymətləndirilməsi, onların idarə olunması, müəssisədə baş verə biləcək bədbəxt hadisələrin və bu zaman görüləcək işlərin qiymətləndirilməsi, eləcə də əmək şəraitinin qiymətləndirilməsi və s. fəaliyyətlərin həyata keçirilməsi ilə davamlı inkişafın əldə edilməsinə istiqamətlənmişdir.
Bölmənin digər xəbərləri
