Emin Əmrullayev: Məktəbəqədər hazırlıqlara gedənlə getməyən uşaq arasında böyük fərq var
Bakı, 21 iyun, AZƏRTAC
Təhsil prosesi mexaniki proses deyil, ciddi psixoloji inkişaf prosesidir. Təhsilin məqsədi yekunda kamil insan yaratmaqdır.
AZƏRTAC xəbər verir ki, bu sözləri elm və təhsil naziri Emin Əmrullayev İnsan Resursları Zirvəsinin “Yerin dərinliyindən beyin dərinliyinə köç” paneli çərçivəsində çıxışı zamanı deyib.
Bildirib ki, insanın inkişafını şərtləndirən əsas amillər ailə və təhsil mühitidir. Erkən yaş inkişafı insanın formalaşmasında vacib rol oynayır. Bu inkişafın əsas fundamenti 3 yaşınadək qoyulur. Məktəbəqədər hazırlıqlara gedənlə getməyən uşaq arasında böyük fərq var. Bundan başqa, valideynlərarası münasibətlər, valideynlərin elmə, kitab oxumağa olan marağı da uşaqların inkişafında mühüm rol oynayır.
Bölmənin digər xəbərləri
