ƏN MƏŞHUR İSLAM SAYTI EKSTREMİZMLƏ MÜBARİZƏ PROQRAMINA QOŞULUR

15.11.2005 [13:24]
Çap et
A⁺ A^-

AZƏRTAC Müstəqil İslam İnformasiya Agentliyinə istinadla xəbər verir ki, İslamOnline saytı Böyük Britaniyanın müsəlman gəncləri arasında ifrat əhval-ruhiyyənin aradan qaldırılması proqramına qoşulmuşdur. Bu məqsədlə nüfuzlu müsəlman din və ictimai xadimlərindən ibarət qrup yaradılmışdır. Qrupa keçmiş rok-ulduz Yusif İslam (Ket Stivens), lordlar palatasının üzvü Əhməd Roterhemli və başqaları daxildirlər. Müsəlman liderləri Böyük Britaniyanı gəzərək, mühazirələr oxuyacaq, İslamın əsil mahiyyətini açıqlayacaqlar.

Böyük Britaniya Müsəlman Şurasının sədri İnayət Bunqlavala bildirmişdir ki, həm səfərlər, həm də İslamOnline saytının fəaliyyəti radikal əhval-ruhiyyəyə qarşı səmərəli mübarizə vasitəsi ola bilər. O demişdir: “Kütləvi qətllərin İslamla heç bir əlaqəsi yoxdur”.

İşçi qrup imamlar üçün xüsusi kurslar təşkil etməyə və Britaniya məktəblərində İslamın tədrisini təkmilləşdirməyə çağırmışdır.