Entoni Joşua peşəkar boksçu karyerasında ilk dəfə məğlub olub
Bakı, 3 iyun, AZƏRTAC
Peşəkar boksda sensasiya baş verib. IBF (Beynəlxalq Boks Federasiyası), WBO (Dünya Boks Təşkilatı) və WBA (Dünya Boks Assosiasiyası) çempionu titullarının sahibi Entoni Joşua peşəkar boksçu karyerasında ilk dəfə məğlub olub.
AZƏRTAC xəbər verir ki, ABŞ-ın Nyu-York şəhərində keçirilən qarşılaşmada Meksika boksçusu Andi Ruis ingiltərəli rəqibini dörd dəfə nokdauna göndərib. Hakimlər yeddinci raundda oyunu dayandıraraq meksikalı boksçunu qalib elan ediblər.
Qarşılaşmadan sonra 29 yaşlı döyüşçü bildirib: “Məni dəstəkləyənlərin hər birinə minnətdarlığımı bildirirəm. Bu məğlubiyyətə haqq qazandırmaq mümkün deyil. Rəqib əla zərbələr endirirdi. Ruisi qələbə münasibətilə təbrik edirəm. Amma biz yenidən döyüşməliyik”.
Bölmənin digər xəbərləri
