Əraqçi: ABŞ-nin hərəkətləri danışıqlar prosesinə mane olur
Bakı, 21 aprel, AZƏRTAC
İranın xarici işlər naziri Abbas Əraqçi pakistanlı həmkarı İshaq Dar ilə telefon danışığında ABŞ-nin atəşkəs rejimini pozmasının danışıqlar prosesinə mane olduğunu bildirib.
AZƏRTAC xəbər verir ki, bu barədə bazar ertəsi "Tasnim" agentliyi məlumat yayıb.
Nazir qeyd edib ki, ABŞ tərəfindən atəşkəs rejiminin pozulması, xüsusilə İranın ticarət gəmilərinə qarşı təhdidlər və hücumlar, eləcə də ziddiyyətli bəyanatlar və sərt ritorika diplomatik prosesin davam etdirilməsinə ciddi mane yaradır.
Məlumatda bildirilir ki, telefon danışığı zamanı tərəflər regionda sülh və sabitliyin möhkəmləndirilməsi məqsədilə İran ilə Pakistan arasında məsləhətləşmələrin davam etdirilməsinin vacibliyini də vurğulayıblar.
Bölmənin digər xəbərləri
