ERİK KANTONA İNGİLTƏRƏ GÜCLÜLƏR DƏSTƏSİNİN ƏN YAXŞI OYUNÇUSUDUR
AZƏRTAC xarici KİV-lərə istinadla xəbər verir ki, futbol azarkeşləri arasında aparılmış qlobal sorğunun nəticələrinə görə, Erik Kantona səslərin 17 faizini toplayaraq, İngiltərə güclülər dəstəsinin ən yaxşı oyunçusu hesab edilmişdir. Hazırda oynayan futbolçular arasında “Arsenal” komandasının və Fransa yığmasının hücumçusu Tyerri Anri daha populyardır. Ən yaxşı məşqçi nominasiyasında “Çelsi”nin hamisi Joze Mourinyu qalib gəlmişdir. “Güclülər dəstəsində hansı oyunçunu görmək istərdiniz?” sualına cavab verən sorğu iştirakçılarının əksəriyyəti Ronaldinyunun adını çəkmişdir. Elitar ingilis divizionunun ən yaxşı stadionu “Mançester Yunayted”in meydançası sayılmışdır. Rəyi soruşulanların fikrincə, güclülər dəstəsinin ən ideal oyunu məhz bu stadionda oynanılmalıdır.
Sorğu İngiltərə güclülər dəstəsinin sponsoru olan Britaniyanın aparıcı banklarından biri “Barclays”ın təşəbbüsü ilə keçirilmişdir. Tədqiqatçılar 170 ölkədə 26 mindən çox azarkeşin rəyini öyrənmişlər.
