ERMƏNİ İŞĞALÇILARIN YANDIRDIQLARI AZƏRBAYCAN ƏRAZİLƏRİNİN XƏRİTƏSİ HAZIRLANMIŞDIR
Ekologiya və Təbii Sərvətlər Nazirliyi bu ilin iyun-avqust aylarında Ağdam, Füzuli, Cəbrayıl, Tərtər, Xocavənd, Qazax, Ağstafa və Tovuz rayonlarında erməni işğalçılar tərəfindən yandırılmış Azərbaycan ərazilərinin xəritəsini tərtib etmişdir. Nazirliyin mətbuat xidmətindən AZƏRTAC-ın müxbirinə bildirmişlər ki, təxmini hesablamalara görə, erməni tərəfi Azərbaycan təbiətinə 7 milyon 543,9 min manat (8,6 milyon dollar) məbləğində ziyan vurmuş, 34090 hektar sahə yandırılmışdır.
Nazirliyin nəzdində yaradılmış operativ mərkəzin əməkdaşlarının topladıqları materiallar göstərir ki, son iki ay ərzində Ağdamın Yusifcanlı, Novruzlu, Bağbanlar, Saybalı, Sarıcalı və Baş Qərvənd kəndləri tamamilə yandırılmışdır. Erməni tərəfinin törətdiyi yanğınlarla bağlı bütün faktlar videolentə alınmış, fotoşəkillər çəkilmişdir.
Bölmənin digər xəbərləri
